es Härzlichs Willkommä hie bi miär, ich lade dich ii fir e momänt i mey Härz"wärch"statt iztaiche und dich la verzaibere vo meyne chleyne Härzwärch. i meynere chleyne Wält wo ich neieh wies mier gfallt. 

 

Ich bin d'Mina und bi im Windmond (Novämber) 1987 gebore. Uifgwachse bin ich im schenä Buochs NW wo ich ai meyni Schueljahr absoliviert ha. 

 

Meyni Lehrzeyt ha ich i de Nähboutique Kaiser in Stans gnosse und viu derfe mit näh was mich Hit no verbindet mid meym chleyne Label.

 

2010 bin ich zum erste mal Mami worde und ha "meys" gliebte Biäze i volle Züge chene uisiäbe. Alli 4 Ärdewunder vo eys sind mid sälber gnähte Chleider usem Spital hei. Somit hani immer die Beste und Kritik riichste Tester drheime.

 

Ds Näieh gid mier de Uisgleych zum Familieläbe und Ärded mich wieder nacheme Hektische Alltag .

 

Ich liebe Stoff wo zäme harmonierid und e Einheit bildid, und genai so isch ai de Styl vo Yaruna.

 

YARUNA warum heisst meys Label so? 

 

Me suecht lang nacheme passende Name für s'Label, s muess alles stimme und perfekt sey. Und so isch Yaruna perfekt für mich. 

Es isch es Wortspiel us de Näme vo eysne 2 grosse Meitli. Einzigartig wie alli Ärdewunder uf dere mängisch doch biz Kurlige Wäut.

 

Scheen sinder da.